संगमनेर तालुक्यातील निम्म्या सरपंचपदाच्या निवडी पार पडल्या..! त्यातील अठरा ग्रामपंचायतींचा भार महिलांच्या खांद्यावर, तर पाच ठिकाणची सरपंचपदे रिक्तच..

नायक वृत्तसेवा संगमनेर

नियोजनानुसार आज तालुक्यातील 94 ग्रामपंचायतींपैकी अठ्ठेचाळीस ग्रामपंचायतींच्या सरपंच व उपसरपंच पदाच्या निवडी उत्साहाने आणि खेळीमेळीच्या वातावरणात पार पडल्या. काही ठिकाणी झालेला किरकोळ गदारोळ वगळता कोठूनही शांतता भंग झाल्याची वार्ता मिळालेली नाही. आज निवड झालेल्यांंपैकी 18 ग्रामपंचायतींचा कारभार महिला शक्तीच्या हाती आला आहे. अकरा ठिकाणच्या उपसरपंचपदाची जबाबदारीही महिलांच्या खांद्यावर आली आहे. तर पाच ठिकाणचे सरपंचपद अद्याफ रिक्तच आहे.

निवडणूक निर्णय अधिकारी अमोल निकम यांच्याकडून प्राप्त झालेल्या माहितीनुसार तालुक्यातील कऱ्हे येथील सरपंच पदावर खंडू मोघाजी सानप, उपसरपंचपदी ताई सुनील गुळवे, कौठे बुद्रुक येथील सरपंचपदी आशिष शिवाजी वाकळे, उपसरपंचपदी किरण पोपटराव वाकळे, पिंपळगाव माथा येथील सरपंचपदी सविता सारंग पांडे, उपसरपंचपदी नारायण नाना भांगरे, लोहारा येथील सरपंचपदी ताराबाई गंगाराम सोनवणे, उपसरपंचपदी राहुल कारभारी पोकळे, नांदुरी दुमाला येथील सरपंचपदी अर्चना मीनानाथ शेळके, उपसरपंचपदी सोनबा लहानु पथवे, खांबे येथील सरपंचपदी रवींद्र सिताराम दातीर, उपसरपंचपदी भारत विठ्ठल मुठे, तर खांजापुर येथील सरपंचपदी तुषार संपत सातपुते व उपसरपंचपदी गोविंद लक्ष्‍मण शिंदे यांची बिनविरोध निवड झाली आहे.

उर्वरित ग्रामपंचायतीत ओझर बुद्रुक येथील सरपंचपदी स्वाती गणेश खेमनर, उपसरपंचपदी संदीप दत्तात्रय नागरे, रायतेवाडी येथील सरपंचपदी सतीश गोरक्षनाथ तनपुरे, उपसरपंचपदी हरिभाऊ मारुती मंडलीक, कौठे धांदरफळ येथील सरपंचपदी विकास बबन घुले, उपसरपंचपदी आशा संदीप क्षीरसागर, डिग्रस येथील सरपंचपदी रखमा बाळा खेमनर, उपसरपंचपदी रंगनाथ भाऊसाहेब बिडगर, कुरण येथील सरपंचपदी मुदस्सर मन्सूर सय्यद, उपसरपंचपदी नदीम पीरमहंमद शेख, खरशिंदे येथील सरपंचपदी सविता भाऊराव वाडेकर, उपसरपंचपदी अशोक भास्कर बर्डे (बिनविरोध), नांदूर खंदरमाळ येथील सरपंचपदी जयवंत गणपत सुपेकर, उपसरपंचपदी दिलीप काशिबा दुधवडे, जवळेबाळेश्वर येथील सरपंचपदी रामकृष्ण नाथा पांडे, उपसरपंचपदी अतुल हरिभाऊ कौटे, खांडगाव येथील सरपंचपदी भरत भीमाशंकर गुंजाळ, उपसरपंचपदी लक्ष्मीबाई संपत गुंजाळ,

कुरकुंडी ग्रामपंचायतीच्या सरपंचपदी शाहीन पप्पू चौगुले, उपसरपंचपदी वनिता शरद वायळ, चनेगाव येथील सरपंचपदी अशोक गेणू खेमनर, उपसरपंचपदी गीतांजली विठ्ठलदास आसावा, माळेगाव पठार येथील सरपंचपदी ज्ञानेश्वर मुरलीधर पाण्डे, उपसरपंचपदी सुभाष भीमा गोडे, झरेकाठी येथील सरपंचपदी अशोक नानासाहेब वाणी, उपसरपंचपदी सुरज याकोब म्हंकाळे, भोजदरी येथील सरपंचपदी शिल्पा निलेश पोखरकर, उपसरपंचपदी विनायक संतू शिंदे, प्रतापपूर येथील सरपंचपदी दत्तात्रय बाळकृष्ण आंधळे, उपसरपंचपदी संगीता गजानन आव्हाड, शिरसगाव धुपे येथील सरपंचपदी रामनाथ सखाराम गोडे, उपसरपंचपदी प्रवीण बबन दिघे, रायते ग्रामपंचायतीच्या सरपंचपदी रूपाली गौतम रोहम, उपसरपंचपदी सुरज कैलास पानसरे,

देवगाव ग्रामपंचायतीच्या सरपंचपदी अर्चना सुनील लामखडे, उपसरपंचपदी सुनील मोहनराव शिंदे, वडगाव पान येथील सरपंचपदी श्रीनाथ कोंडाजी थोरात, उपसरपंचपदी सोमनाथ बाळू गायकवाड, देवकवठे येथील सरपंचपदी ज्योती नंदू मोकळ, उपसरपंचपदी ज्योती राजेंद्र कहांडळ, चंदनापुरी येथील सरपंचपदी शंकर दत्तात्रय रहाणे, उपसरपंचपदी भाऊसाहेब रंगनाथ रहाणे, मंगळापुर येथील सरपंचपदी शुभांगी रमेश पवार, उपसरपंचपदी लक्ष्मणराव नंदू भोकनळ, औरंगपूर येथील सरपंचपदी लक्ष्मी भाऊसाहेब वाकचौरे, उपसरपंचपदी इंद्रभान बाबुराव तांबे, पिंपळे येथील सरपंचपदी मीना अण्णासाहेब ढोणे, उपसरपंचपदी तुकाराम सखाराम चकोर, कोंंची मांची येथील सरपंचपदी अमृता जयराम भास्कर, उपसरपंचपदी सोमनाथ ज्ञानदेव जोंधळे,

कोठे खुर्द येथील सरपंचपदी विलास दत्तात्रय मेंगाळ, उपसरपंचपदी गोरक्षनाथ नाना ढोकरे, हिवरगाव पठार येथील सरपंचपदी सुप्रिया प्रकाश मिसाळ, उपसरपंचपदी दत्तात्रय रावसाहेब वनवे, म्हसवंडी येथील सरपंचपदी सुरेखा जयसिंग इथापे, उपसरपंचपदी मंगेश भागा बोडके, माळेगाव हवेली येथील सरपंचपदी संदीप संपत गायकवाड, उपसरपंचपदी गंगुबाई कैलास जंबुकर, निमगाव खुर्द येथील सरपंचपदी संदीप राधाकिसन गोपाळे, उपसरपंचपदी राहुल राजीव चंद्रमोरे, सुकेवाडी येथील सरपंचपदी योगिता भाऊसाहेब कुटे, उपसरपंच पदी सुभाष सखाराम कुटे, शिबलापुर येथील सरपंचपदी सचिन विनायक गायकवाड, उपसरपंचपदी दिलीप तबाजी मुंतोडे, सांगवी येथील सरपंचपदी विमल बाळचंद कातोरे, उपसरपंचपदी नवनाथ नाना कातोरे, सोनोशी येथील सरपंचपदी सुदाम बाळू गिते, उपसरपंचपदी राजेंद्र तुकाराम सानप व खंदरमाळवाडी येथील सरपंचपदी शिवाजी मनाजी फणसे व उपसरपंचपदी शुभांगी शरद शिरोळे यांची आज निवड झाली आहे.

याशिवाय पाच ठिकाणच्या सरपंचपदाच्या जागा आरक्षित असल्याने अद्यापही रिक्त असून त्या ठिकाणच्या उपसरपंचपदाच्या निलडणूका मात्र पिर पडल्या आहेत. त्यात खळी येथील ग्रामपंचायतीच्या उपसरपंचपदी राजेंद्र नामदेव चकोर, मिरपूर येथील उपसरपंचपदी कमलबाई अण्णा कापकर, चिखली येथील उपसरपंचपदी रत्नमाला अण्णासाहेब हासे, सावरगाव घुले येथील उपसरपंचपदी नामदेव कोंडाजी घुले तर शिंदोडी येथील ग्रामपंचायतीच्या उपसरपंचपदी पोपट सोमा कुदनर यांची निवड झाली आहे.