भारतातील जैवविविधता पर्यटन क्षेत्रासाठी पोषक ः रणदिवे संगमनेर महाविद्यालयात जागतिक पर्यटन दिन साजरा

नायक वृत्तसेवा, संगमनेर
वन्यजीव पर्यटनाला प्रोत्साहित केल्यास देशातील जंगले तसेच वन्यजीवांचे संवर्धन करण्यास मदत होईल. तसेच वन्यजीव पर्यटनामुळे जनमानसात वन्यजीव व त्यांचे महत्व या संदर्भात मोठ्या प्रमाणात जागरूकता निर्माण करता येते, असे प्रतिपादन नाशिक विभागातील सहाय्यक वन संरक्षक (वन्यजीव) गणेश रणदिवे यांनी केले.

संगमनेर महाविद्यालयातील बी. व्होक. आदरातिथ्य व पर्यटन (हॉस्पिटॅलिटी अँड टूरिझम) विभागाच्यावतीने जागतिक पर्यटन दिनानिमित्त आयोजित कार्यक्रमात प्रमुख अतिथी म्हणून ते बोलत होते. यावेळी शिक्षण प्रसारक संस्थेचे कार्याध्यक्ष डॉ. संजय मालपणी, प्राचार्य डॉ. अरुण गायकवाड, विभागप्रमुख डॉ. रवींद्र गायकवाड आदी मान्यवर उपस्थित होते. महाविद्यालयातील बी. व्होक. आदरातिथ्य व पर्यटन विभागात दरवर्षीप्रमाणे यावर्षीही जागतिक पर्यटन दिन उत्साहात साजरा करण्यात आला. संयुक्त राष्ट्र जागतिक पर्यटन संस्थेच्या 2022 मधील rethinking tourism या संकल्पनेवर आधारित निबंध स्पर्धा, पथनाट्य, शास्त्रीय नृत्य, लोकनृत्य व तसेच विद्यार्थ्यानी बनवलेलें अमेरिकन, मेक्सिकन, ग्रीक, टर्किश इत्यादी देशांचे खाद्यपदार्थ यांचे प्रदर्शन असे विविध कार्यक्रमाचे आयोजन करण्यात आले.

या कार्यक्रमासाठी ईगल विंग्ज ट्रेक अँड टूर्स, द एफसी क्लब, नवरंग इंटरप्राईजेस, विघ्नहर्ता लॉन्स, हॉटेल साईलीला व दत्तकृपा मिसळ आदिंचे सौजन्य लाभले. सूत्रसंचालन प्रा. चिन्मय तिवारी यांनी केले तर आभार प्रदर्शन डॉ. रवींद्र गायकवाड यांनी केले. कार्यक्रमाच्या यशस्वी आयोजनसाठी हॉस्पिटॅलिटी अँड टूरिझम विभागतील प्रा. राहुल गायकवाड, प्रा. पी. आर. वाकचौरे, प्रा. एम. कडलग, शिक्षकेतर सहकारी रवींद्र भोकनळ, सचिन चौधरी व विद्यार्थी यांचे सहकार्य लाभले.