भारतीय संस्कृती सारखी संस्कृती जगात नाही : रचना मालपाणी

शारदीय नवरात्रीचे औचित्य साधून प्रतीवर्षीप्रमाणे संगमनेर पुरोहित संघाच्या वतीने सामुहिक कुंकुमार्चन सोहळ्याचे  मालपाणी लॉन्सच्या सभागृहात आयोजन करण्यात आले होते. या सोहळ्याला महिलांची प्रचंड उपस्थिती होती. महाराष्ट्रात पुरोहित संघाच्या वतीने इतक्या भव्य प्रमाणात आयोजित केला जाणारा हा एकमेव कुंकुमार्चन सोहळा आहे.  यावेळी व्यासपीठावर  उद्धव महाराज कुर्कुमकर, नीलम खताळ,  कांचन थोरात, श्री व सौ. कपिल टाक आदींसह पुरोहित संघाचे सर्व सदस्य उपस्थित होते.

मालपाणी पुढे म्हणाल्या, महिलांनी स्वावलंबी आणि धाडसी व निर्भय व्हावे, यासाठी आदीशक्तीची उपासना करण्याची हजारो वर्षांची परंपरा असल्याने त्या परंपरेचे पालन करून स्वतःच्या सुरक्षेसाठी सर्व महिलांनी संरक्षण कला आत्मसात करावी असे त्या म्हणाल्या.  संगमनेरचा उपक्रमशील पुरोहित संघ म्हणजे समाजासाठी झटणारी एक आदर्श संस्था असल्याचे गौरवोद्गारही त्यांनी यावेळी काढले. कांचन थोरात यांनी  या निमित्ताने प्रसन्न नारीशक्तीचे दर्शन घडल्याने आनंद आणि समाधान मिळाल्याचे सांगितले.  नीलम खताळ यांनी छोटेखानी परंतु अत्यंत प्रभावी भाषण करून महिलांची मने जिंकून घेतली.  तांबे यांचेही  भाषण झाले.