अकोलेत ग्राम शक्तीला नवे बळ!  डॉर्फ केटल मॅगो कप अंतर्गत आंबा लागवड

या उपक्रमाचा उद्देश ग्रामपंचायतींना उत्पन्नवाढीचे साधन उपलब्ध करून देणे, स्थानिक रोजगारनिर्मिती घडवून आणणे आणि पर्यावरण संवर्धनाची चळवळ उभी करणे हा आहे. ग्रामपंचायत सक्षम झाली, तर गावाचा सर्वांगीण विकास साध्य होऊ शकतो, या संकल्पनेला मूर्त स्वरूप मिळवून देण्याचे हे प्रभावी पाऊल ठरत आहे. यावेळी गावातील नागरिकांनी स्वयंस्फूर्तीने एकत्र येऊन केशर आंबा लागवड केली.ग्रामस्थांच्या मते, हा उपक्रम हा केवळ वृक्षलागवडीचा कार्यक्रम नाही, तर गावाच्या भविष्याचा पाया घालणारी लोकचळवळ आहे.सरकारी अधिकारी, ग्रामपंचायत, स्वयंसेवी संस्था आणि नागरिक यांच्या संयुक्त प्रयत्नातून गावविकास, स्थानिक रोजगार आणि पर्यावरण संवर्धनाचा संगम साधला जात आहे.सीएसआर उपक्रम कसा गावांना सशक्त, स्वावलंबी व पर्यावरणपूरक विकासाकडे घेऊन जाऊ शकतो याचे प्रेरणादायी उदाहरण ठरत आहे.