आ. खताळ यांच्या सूचनेनंतर पालिकेने दाखवली माणुसकी! पिंजारी कुटुंबीयांना पालिकेकडून भरीव मदत : जहागीरदार

शहरातील कोल्हेवाडी रोडवर नॅशनल इंग्लिश मीडियम स्कूल जवळ भूमिगत गटारीचे चेंबरमधील मैला काढत असताना अतुल रतन पवार या ठेकेदाराच्या कर्मचाऱ्यांचा चेंबरमध्ये गुदमरून  मृत्यू झाला होता. त्यावेळी पवार याला वाचविण्यासाठी गेलेल्या रियाज जावेद पिंजारी याचाही उपचार सुरू असताना मृत्यू झाला होता. या घटनेतील मयत  अतुल पवार याच्या कुटुंबीयांना नगर परिषदेच्या  वतीने १० लाखांची आर्थिक मदत देण्यात आली. परंतु रियाज पिंजारी हा सुद्धा मित्राला वाचविण्यास गेला होता म्हणून त्यालाही आर्थिक मदत मिळावी अशी मागणी आ. अमोल खताळ यांच्याकडे पिंजारी यांच्या नातेवाईकांनी केली होती. त्यानुसार माणुसकीच्या भावनेतुन पिंजारी कुटुंबीयांना आर्थिक मदत देण्यात यावी अशी चर्चा आ. अमोल खताळ आणि मुख्याधिकारी रामदास कोकरे यांच्यात झाली.त्यानुसार  मुख्याधिकारी रामदास कोकरे यांनी पिंजारी कुटुंबियांची सांत्वनपर भेट घेतली. व माणुसकीच्या भावनेतून पिंजारी कुटुंबीयांना भरीव स्वरूपातील आर्थिक मदत दिल्याबद्दल आ. अमोल खताळ यांनी  मुख्याधिकारी आणि कर्मचाऱ्यांचे आभार मानले आहेत.