आमदारांनी बसचे श्रेय लाटण्याचा  प्रयत्न करु नये : त्रिभुवन

 श्रीरामपूर-मुंबई बस गेले सहा वर्षे बंद होती.ती पुन्हा सुरू व्हावी यासाठी आम्ही सातत्याने आंदोलने,निवेदने आणि पाठपुरावा केला.शेवटी आगार प्रमुख अनिल बेहेरे यांनी आमच्या आंदोलनाची दखल घेत पंधरा दिवसापूर्वी लेखी आश्वासन दिलं आणि बस सुरू झाली. बस सुरू करण्यात आ. हेमंत ओगले यांचा कोणताही सहभाग नव्हता.साधे दोन ओळीचे पत्र देखील त्यांनी दिले नाही परंतु गाडी सुरू होणार हे कळताच आ. ओगले आणि त्यांचे काही कार्यकर्ते अचानक प्रकट झाले आणि नारळ फोडून फोटोसेशन करून निघून गेले.