रस्त्यावर नाही…तर आश्वासनांच्या वाटेवर प्रवास!

या निवेदनावर दिलीप शिंदे, बाबासाहेब शिंदे, भिका साबळे, शंकर साबळे, महेश शिंदे आणि दिलीप जोंधळे यांच्या सह्या आहेत. ग्रामस्थांनी सांगितले की, पावसाळ्यात मुलांना शाळेत पाठवणे म्हणजे संघर्ष, तर आजारी वृद्धांना रुग्णालयात नेणे म्हणजे संकट. रस्ता धड नाही म्हणून लोकांना दैनंदिन जीवनात अडथळे येत आहेत. दरम्यान, याबाबत ग्रामस्थांनी आमदार अमोल खताळ यांच्याशी संपर्क साधला असता, त्यांनी रस्त्याचे काम प्राधान्याने सुरू केले जाईल असे सांगितले आहे. रस्ता म्हणजे फक्त मातीचा किंवा डांबराचा तुकडा नाही, तो गावाच्या सन्मानाचे प्रतीक आहे.ग्रामविकास म्हणजे फक्त घोषणांचा खेळ नाही. सामान्य माणसाच्या रोजच्या प्रवासात सोय निर्माण करणारी कृतीच खरी सेवा आहे.मनोली–कोकणगाव–चिंचेचा मळा हा शिव रस्ता शासनाच्या अनास्थेचे जिवंत उदाहरण ठरला आहे.  दुर्दैवाने  प्रत्येक निवडणुकीत विकासाचे चित्र मोठे दाखवले जाते, पण अशा रस्त्यांची अवस्था वास्तवाचे आरसे दाखवते.प्रशासन आणि लोकप्रतिनिधींनी या रस्त्याचे डांबरीकरण तातडीने करून ग्रामस्थांचा विश्वास परत मिळवावा.अन्यथा ‘विकास’ हा शब्द पुन्हा एकदा केवळ भाषणापुरताच राहील.