साकुरमध्ये भाविकांची मांदियाळी! हजारो भाविकांनी घेतले बिरोबा देवाचे दर्शन 

या यात्रेसाठी राज्यभरासह परराज्यातून भाविक भक्त येथे हजेरी लावत बिरोबा महाराजांचे दर्शन घेत असतात.

यंदाच्या वर्षी मंगळवार दि. २९ जुलै रोजी नागपंचमी असल्याने भाविकांनी येथे मोठी गर्दी केली होती. त्यानंतर आता दि. ९ ऑगस्टला नारळी पौर्णिमा व रक्षाबंधनचा सण असल्याने हजारो भाविक दर्शनासाठी येणार आहेत. त्यामुळे येथील ट्रस्टने भाविकांचे विना अडथळा दर्शन व्हावे, यासाठी नियोजन केले आहे. नारळी पौर्णिमेच्या दिवशी भाविक गंगेचे पाणी कावडीने पायी आणत बिरोबारायाला गंगास्नान घालतात.  यात्राकाळात वाण, ओव्यांसह विविध धार्मिक कार्यक्रम होत असतात तसेच महाप्रसादाचे वाटप केले जात असून अनेक स्वयंसेवक व तरूणांचे सहकार्य या कामी होत आहे.  मंदिर परिसरात मिठाई, खेळणीसह विविध प्रकारच्या दुकानांनी गर्दी केली असून त्यांना ग्राहकांचा उत्स्फूर्त प्रतिसाद मिळतो आहे.

यात्रा कमिटीच्या वतीने नियोजनात कुठलीही कमतरता कमी पडू नये यासाठी बाजार समितीचे सभापती शंकर खेमनर, नामदेव खेमनर, अमित खिलारी, खेमनर, होळकर,  एस.के. खेमनर आदी प्रयत्नशील आहेत.यात्रा काळात कुठलाही अनुचित प्रकार घडू नये यासाठी बजरंग दल च्या स्थानिक युवकांनी व घारगाव पोलिसांनी कडक बंदोबस्त ठेवला होता.