नागरिकांना अपेक्षित सवलती वेळेत मिळाव्यात यासाठी प्रणाली दुरुस्तीला गती द्या : आ.सत्यजित तांबे

अनेक नगर परिषदांनी जिल्हाधिकाऱ्यांमार्फत ५० टक्के शास्ती माफीसाठी प्रस्ताव मंजूर करून घेतले आहेत. दि.२८ जुलै रोजी संगमनेर जि.अहिल्यानगर नगरपरिषद यांना परवानगी मिळाल्यानंतर आयडब्लुबीपी  सॉफ्टवेअर प्रणालीतील तांत्रिक त्रुटींमुळे योजना अंमलात आणताना अडथळे येत आहेत. त्यामुळे नागरिकांमध्ये नाराजी वाढत आहे.यामध्ये प्रामुख्याने, प्रणालीमध्ये एकरकमी समायोजनाची सुविधा नसल्याने एका नागरिकाच्या नोंदींसाठी सुमारे दीड तास लागतो, लाभार्थीने बिल न भरल्यास पूर्वी केलेल्या नोंदी मागे घेता येत नाहीत तसेच लिपिकाने केलेल्या नोंदी वरिष्ठ अधिकाऱ्यांना तपासता येत नाहीत.

त्यामुळे होत असलेल्या चुका सुधारल्या जात नाहीत.  या सर्व विषयांवर तातडीने निर्णय घ्यावा तसेच नगरपालिका, नगरपरिषद व नगरपंचायत क्षेत्रातील नागरिकांना ‘अभय योजना’चा खरा लाभ मिळण्यासाठी  आयडब्लुबीपी प्रणालीतील  तांत्रिक अडचण तातडीने दूर करण्यात यावी. याबाबत आमदार तांबे यांनी एकनाथ शिंदे यांची भेट घेतली.