घुलेवाडी येथील तरुणाची आत्महत्या

नायक वृत्तसेवा, संगमनेर
तालुक्यातील घुलेवाडी येथील अठ्ठावीसवर्षीय तरुणाने रविवारी (ता.20) दुपारी दीड वाजेच्या सुमारास गळफास घेऊन आत्महत्या केल्याने खळबळ उडाली आहे.

ऋषीकेश शिवाजी मैड असे मयत तरुणाचे नाव आहे. घुलेवाडी येथील राहत्या घरी गळफास घेतल्यानंतर तात्काळ उपचारार्थ शहरातील खासगी रुग्णालयात दाखल करण्यात आले होते. परंतु, उपचारांपूर्वीच मयत झाल्याचे डॉक्टरांनी घोषित केले. यावरुन शहर पोलिसांनी अकस्मात मृत्यू रजिस्टर क्रमांक 115/2020 सीआरपीसी कलम 174 नुसार गुन्हा दाखल करण्यात आला आहे. पुढील तपास पोलीस नाईक लबडे हे करत आहे.