फ्लॉवरचे पिक वाया गेल्याने शेतकऱ्याचे लाखोंचे नुकसान

तालुक्याच्या पठार भागातील साकुर जवळील चिंचेवाडी येथील रहिवासी असलेले शेतकरी भिवा सोन्नर यांनी राणू सोन्नर यांच्या गट नंबर ६८३ व सरूबाई सोन्नर यांच्या गट नंबर ८०८/१ मध्ये अडीच एकर फ्लॉवरची लागवड केली होती. सोन्नर यांनी शेकाटा कंपनीची व्हॉइट फ्लॅशची फ्लॉवरची ४८ हजार रोपांची लागवड केली होती. यासाठी त्यांनी फवारणी, मशागतीसह जवळपास अंदाजे १ लाख ९० हजार रुपये खर्च केला आहे. मात्र काही दिवसांनंतर या रोपांची पाने, तसेच गड्डे खराब येत असल्याचे भिवा सोन्नर यांच्या  लक्षात येताच त्यांनी संबंधित कंपनीशी संपर्क साधून हा प्रकार त्यांच्या कानावर घातला. मात्र वातावरणातील हवामानामुळे हा प्रकार झाला असेल असे संबंधित कंपनीने भिवा सोन्नर यांना सांगितले.