‘वंदन संविधानाला’ पथनाट्याचा जिल्ह्यात प्रथम क्रमांक

‘सृजनरंग’ सास्कृतिक व साहित्यिक स्पर्धा अहिल्यानगर येथील न्यू आर्टस् कॉमर्स अँड सायन्स कॉलेज  येथे पार पडली. यात विविध महाविद्यालयातून पथनाट्य स्पर्धेत २२ संघांनी भाग घेतला होता.  यात अकोले येथील अगस्ती कला, वाणिज्य व दादासाहेब रूपवते विज्ञान महाविद्यालयाच्या राष्ट्रीय सेवा योजना विभागाच्या स्वयंसेवकांनी ‘वंदन संविधानाला ‘ या विषयावर पथनाट्य सादर केले. या स्पर्धेचा निकाल १६ सप्टेंबर रोजी विद्यापीठाने जाहीर केला. त्यात  येथील अगस्ती महाविद्यालयाने जिल्ह्यात प्रथम क्रमांक पटकावून विद्यापीठ पातळीवरील स्पर्धेसाठी त्यांची निवड झाली आहे.