हलगर्जीपणातून दोघांचा जीव घेणाऱ्या तिघांविरुद्ध सदोष मनुष्यवध! ठेकेदार कातोरे पिता-पुत्राचा समावेश; ठेकेदाराने परस्पर उद्योग केल्याचा धक्कादायक प्रकारही समोर

याबाबत संगमनेर शहर पोलिसांकडून समजलेल्या माहितीनुसार सदरची घटना गुरुवारी (ता.१०) दुपारी चार वाजेच्या सुमारास कोल्हेवाडी रस्त्यावरील पाबळे वस्तीकडे जाणाऱ्या एका कॉर्नरवर घडली. याबाबत संगमनेर नगरपालिकेचे आरोग्य निरीक्षक अमजद पठाण यांनी शहर पोलीस ठाण्यात फिर्याद दाखल केली असून त्यात त्यांनी म्हटले आहे की, गुरुवार दि.१० जुलै रोजी शहरातील कोल्हेवाडी रोडवर पाबळे वस्तीकडे जाणाऱ्या कॉर्नर जवळील गटार साफसफाई करतांना अतुल रतन पवार (वय १९,रा. संजय गांधी नगर, वडार वस्ती संगमनेर) या मजुराचा व त्याला वाचवण्यासाठी गेलेल्या रियाज जावेद पिंजारी (वय २१,रा. मदिनानगर, संगमनेर) यांचा दुर्दैवी मृत्यु झाला असुन त्यांसदर्भात ठेकेदार  मे.आर.एम कातोरे अँड कंपनी करीता रामहरी मोहन कातोरे व निखील रामहरी कातोरे (रा.गोविंद नगर, संगमनेर) मे. बी.आर. क्लिनीग करीता, मुश्ताक बशीर शेख (रा.शिवाजीनगर, संगमनेर) यांचे विरुद्ध गुन्हा दाखल करणेबाबत नगरपरिषद संगमनेर या कार्यालयाकडील जा.क्र.सं.न.प./आरोग्य-४/८३२०२५/३९२ दि.१० जुलै २०२५ अन्वये प्रशासक तथा मुख्याधिकारी, नगरपरिषद, संगमनेर यांनी मला प्राधिकृत केले असुन सदर घटनेसंदर्भात माझी फिर्याद अशी की,संगमनेर नगरपरिषद हद्दीतील गटारीवरील चेंबर नगरपरिषदेने भुमिगत गटार योजनेसाठी जा.क्र. बांध/१४/१५५५/२०२१ दि. १२/७/२०२१ अन्वये मे. आर.एम. कातोरे ॲड कंपनी करीता रामहरी मोहन कातोरे व निखील रामहरी कातोरे रा गोविंद नगर, संगमनेर  यांना दिलेल्या कार्यारंभ आदेशानुसार भुमिगत गटार योजनेचे काम दिले आहे.

या कार्यारंभ आदेशानुसार भुमीगत गटार योजनेचे काम पुर्ण झालेले नाही, व त्यामुळे ते अद्याप नगरपरिषदेकडे ठेकेदाराने हस्तांतरीत केलेले नाही. भुमीगत गटार योजनेचे संपुर्ण काम पूर्ण झाल्यानंतर ते नगरपरिषदेकडे रितसर हस्तांतरीत होई पर्यंत योजनेतील सर्व बाबींच्या देखभाल व दुरुस्तीची जबाबदारी ही ठेकेदार यांचेशी झालेल्या करारनाम्यातील अट क्रमांक ३८ नुसार ठेकेदार मे. आर. एम कातोरे ॲड कंपनी करीता रामहरी मोहन कातोरे व निखील रामहरी कातोरे रा गोविंद नगर, संगमनेर  यांची आहे. तसेच भुमिगत गटार योजनेत बांधलेल्या या चेंबरची देखभाल व दुरुस्ती करण्याची संपूर्ण जबाबदारी ही सर्वस्वी मे. आर.एम कातोरे ॲड कंपनी करीता रामहरी मोहन कातोरे व निखील रामहरी कातोरे रा गोविंद नगर, संगमनेर यांची आहे.

संगमनेर नगरपरिषद मार्फत आरोग्य विभागाकरीता संगमनेर शहरातील व उपनगरीतील मोठ्या व बंदिस्त गटारी साफ करणे करीता संगमनेर नगरपरिषद कार्यालयाकडील जावक क्रमांक सं.न.प./आरोग्य/३३१/१०/२०२४ दि. ७.८.२०२४ अन्वये कार्यारंभ आदेश हे मे. बी.आर.क्लिनीग करिता, प्रो. मुश्ताक बशीर शेख रा शिवाजीनगर, संगमनेर

यास दिनांक ७.८.२०२४ रोजी पासुन एक वर्षाकरीता मुदतवाढ देण्यात आली होती. सदर बाबत दि. ६.८.२०२४ रोजी सन २०२४-२०२५ या आर्थिक वर्षाकरीता गटारी साफ करणेबाबत कामाचा करारनामा मे. बी. आर. क्लिनीग करिता, प्रो. मुश्ताक बशीर शेख रा शिवाजीनगर, संगमनेर  याचे सोबत करण्यात आला होता.

सदर करारामध्ये एकुण १ ते ३० अटी व शर्ती नमुद ठेकेदारास देण्यात आल्या होत्या. तेंव्हापासुन मे. बी. आर. क्लिनीग करिता, प्रो. मुश्ताक बशीर शेख रा शिवाजीनगर, संगमनेर  हा त्याचेकडील असलेल्या मजुरांकडुन संगमनेर शहरातील व उपनगरीतील मोठ्या व बंदिस्त गटारी साफ करण्याचे काम करत होता,मे. आर.एम कातोरे अँड कंपनी करीता रामहरी मोहन कातोरे व निखील रामहरी कातोरे रा गणेश नगर, संगमनेर  यांनी त्यांचेकडील कामाचा ठेका पुर्ण केलेला नव्हता. त्यामुळे त्या कामावरील सर्व जबाबदारी करारनाम्यातील अटी व शर्ती नुसार त्यांचेकडेच होती व आहे. दरम्यान करारनाम्याप्रमाणे बंदीस्त व उघड्या गटारी साफ करणेकामी आरोग्य विभागा मार्फत लेखी वर्क ऑर्डर निर्गमीत केल्यानंतरच गटार साफ सफाईचे काम करणे बाबत व परस्पर अथवा विना वर्क ऑर्डर काम न करणेबाबत करारनाम्यात नमुद असताना त्यांनी त्यांचेकडे करारनाम्याचे भंग केला आहे.