लैंगिक शिक्षण काळाची गरज : आ.लहामटे

कार्यक्रमाच्या अध्यक्षस्थानी  अकोले पंचायत समितीचे गटशिक्षणाधिकारी अरविंद कुमावत होते तर व्यासपीठावर अर्थवेद पतसंस्थेचे चेअरमन प्रा.बी. एम. महाले, संगीत विशारद मुकुंद पेटकर, बुवासाहेब नवले मल्टिस्टेटचे चेअरमन विक्रम नवले, सामाजिक कार्यकर्ते तथा शिक्षण तज्ञ हेरंब कुलकर्णी, संटू आई देवस्थानचे अध्यक्ष डी. के. गोरडेसह अन्य मान्यवर उपस्थित होते.

 आ.डॉ.किरण लहामटे  पुढे म्हणाले की, शारीरिक आकर्षणातून मुली पळून जाण्याचे प्रमाण वाढले असून आता हा एक सामाजिक प्रश्न निर्माण झाला आहे.ज्या बापाची पोरगी पळून जाते, त्याला समाजात तोंड दाखवायला जागा राहत नाही याचा विचार मुलींनी केला पाहिजे.या मुली एखाद पोरग मोटार सायकल रेस करून चालत, त्याला त्या भाळतात.आणि बळी जातात.व्यसनाधीन मुलांच्या नादी लागतात हे अत्यंत विदारक चित्र असून वयाच्या २० ते २५ पर्यंत ब्रम्हचर्य पाळले पाहिजे हे कोणी सांगतच नाही. त्याचे खूप फायदे आहेत. आता मुलींच्या देखील अवास्तव अपेक्षा आहेत. त्यामुळे आता सर्व बिघडायला लागले आहे.पळून जाण्यापूर्वी या अभियानाचा एक चांगला प्रोग्राम तयार करा.तालुक्यातील सर्व शाळा मध्ये प्रबोधन करुन, समुपदेशन करा.असेही आवाहन

लहामटे यांनी केले.

डी.के.गोरडे म्हणाले की, मुली पळून जाण्याचे अत्यंत विदारक चित्र असून रोज महाराष्ट्रात ७० मुली पळून जातात अशी माहिती समोर आली आहे.त्यातल्या फक्त १० टक्केच मुली मिळून येतात.मुली पळून जाणे ही पालकांची हतबलता आहे.मुलगी जेव्हा पळून जाते तेव्हा त्या मुलीच्या बापाला समाजात मान सन्मानाने वावरता येत नाही.पालकांचा आणि मुलांचा संवाद संपला असून तो वाढला पाहिजे.मुली पळून जाण्याची अनेक कारणे आहेत. कुटुंबात मान सन्मान न मिळणे,गरजा पूर्ण न होणे,पालकांनी मुलांचे म्हणणे ऐकावे, मुलींच्या भावना समजून घ्याव्यात.असेही गोरडे म्हणाले.

यावेळी प्रा.बी. एम.महाले, घनश्याम माने यांनीही आपले मनोगत व्यक्त केले.कार्यक्रमाच्या प्रारंभी क्रांती ज्योती सावित्रीबाई फुले, श्री स्वामी समर्थ महाराज यांच्या प्रतिमेला पुष्पहार अर्पण करून मान्यवरांच्या हस्ते दिप प्रज्वलन करण्यात आले.प्रास्तविक श्रीनिवास रेणुकदास यांनी केले.यामध्ये त्यांनी अभियानाची माहिती दिली.सूत्रसंचलन रमेश खरबस यांनी केले. यावेळी मनोज गायकवाड, गणेश धुमाळ, मच्छिंद्र मंडलिक आदी उपस्थित होते.’पळून जाण्यापूर्वी’ अभियानाच्या माध्यमातून अकोले तालुक्यातील शाळा मध्ये प्रबोधन व समुपदेशन करण्यासाठी डॉ. उमा कुलकर्णी, प्रतिभा कुलकर्णीं,प्राचार्य अनुराधा पोखरकर, ॲड.मंगला हांडे, ॲड. सरोजनी नेहे, डॉ.अनुप्रिता शिंदे, अनुराधा आहेर, नयना पाडेकर , मंदाकिनी हांडे, प्रतिभा साबळे, जादूगार हांडे, वसंत आहेर, घनश्याम माने, रमेश खरबस, मुख्याध्यापक रावसाहेब नवले, गायकर, गणेश जोशी, विलास गोसावी, श्रीमती  फापाळे, प्रतिभा साबळे, रूपाली रेणुकदास यांचा समावेश आहे.