मोरवाडी धरणाबाबत उद्या मंत्रालयात बैठक : आ.खताळ

तालुक्यातील वरवंडी येथील दत्त मंदिरात येथील युवक कार्यकर्ते दत्तात्रेय वर्पे, राज पाटोळे आणि समस्त ग्रामस्थ वरवंडी यांच्या वतीने आमदार  खताळ यांची पेढे तुला करण्यात आली. यावेळी पत्रकारांशी बोलतांना त्यांनी ही माहिती दिली.  ते पुढे म्हणाले,  तालुक्यातील साकूर पठार भागातील पाण्याचा प्रश्न कायमस्वरूपी सुटावा या साठी मुळा नदीवर मोरवाडी धरण व्हावे अशी या भागातील जनतेची अनेक वर्षांची जुनी मागणी आहे. हे धरण होण्यासाठी जागाही  संपादित करण्यात आली होती. मात्र नंतर हे ठिकाण मागे पडून याच नदीवर पुढे राहुरी तालुक्यातील  मुळा धरण बांधण्यात आले.सध्या मुळा नदीवर  आंबीत व पिंपळगाव खांड ही दोन धरणे आहेत. त्यापैकी पिंपळगाव खांड धरणाच्या लाभक्षेत्रात साकूर पठारभागातील गावांचा समावेश नसल्याने  ही गावे  अनेक वर्ष पाण्यापासून वंचित राहिली आहेत. तसेच या धरणाच्या लाभ क्षेत्रात या पठार भागाचा समावेश व्हावा यासाठी अकोले तालुक्यातील अनेक गावांचा विरोध आहे. त्यामुळे पठार भागासाठी मोरवाडी हे स्वतंत्र धरण व्हावे अशी या भागातील नागरिकांची इच्छा आहे. त्यानुसार जलसंपदामंत्री राधाकृष्ण विखे पाटील यांनी या भागाचा सर्वे करण्याच्या सूचना जलसंपदा विभागाच्या  अधिकाऱ्यांना दिल्या होत्या, त्यानुसार सर्वे  झाला आहे. बुधवारी या मोरवाडी धरणाच्या संदर्भात मुंबईला मंत्रालयात जलसंपदा विभागाच्या अधिकाऱ्यांच्या समवेत बैठकीचे आयोजन करण्यात आले आहे.

यावेळी आमदार अमोल खताळ यांच्या समवेत शिवसेना तालुका प्रमुख रामभाऊ राहणे,भाजप तालुकाध्यक्ष गुलाब भोसले, भाजपा राज्य कार्यकारिणी सदस्य रऊफ शेख, खांबा गावचे सरपंच रवींद्र दातीर, ज्येष्ठ नेते बाबासाहेब कुटे, माजी सरपंच बाबाजी सागर, ॲड. अमित धुळगंड,  ज्येष्ठ नेते दादाभाऊ गुंजाळ,आरपीआय चे तालुका अध्यक्ष आशिष शेळके,ऋषीराज  परांडेकर,विद्या महाराज बानकर, पुरुषोत्तम महाराज पेटकर, गणेश डोंगरे, भागवत बस्ते,डॉ. संतोष वर्पे, बाजीराव पाटोळे,राजाबापू वर्पे, उल्हास गागरे, एकनाथ वर्पे, संपत भोसले, तुळशीराम पाटोळे, सुभाष पाटोळे यांच्यासह साकुर पठार भागातील मान्यवर व वरवंडी ग्रामस्थ मोठ्या संख्येने उपस्थित होते.