संगमनेरच्या शिवस्मारकाजवळ भीषण अपघातात महिला ठार! रस्ता ओलांडताना मोपेडला मालट्रकची धडक; पाठीमागील चाकाखाली सापडून जागीच मृत्यू..

या घटनेनंतर आसपास जमलेल्या नागरिकांनी धाव घेत जखमी झालेल्या महिलेला तातडीने खासगी वाहनातून रुग्णालयात दाखल केले. मात्र उपचार सुरु होण्यापूर्वी त्यांचा मृत्यू झाल्याचे डॉक्टरांनी सांगितले. याबाबत संगमनेर शहर पोलिसांना माहिती मिळाल्यानंतर त्यांनी घटनास्थळी धाव घेत खोळंबलेली वाहतूक सुरळीत केली. याप्रकरणी अद्याप कोणताही गुन्हा दाखल झालेला नाही. या घटनेने शहरातील बेशिस्त वाहतूक व्यवस्था आणि वाढलेली बेसुमार अतिक्रमणं पुन्हा एकदा चर्चेत आली असून सर्वसामान्यांचे जीव मात्र सातत्याने धोक्यात असल्याचे स्पष्टपणे दिसून आले आहे. या घटनेत एका तरुण गृहिणीचा मृत्यू झाल्याने संपूर्ण शहरातून हळहळ व्यक्त करण्यात येत आहे.