तालुक्याने ओलांडले बाधितांचे सहविसावे शतक! संगमनेर तालुक्याच्या रुग्णसंख्येत आजही अर्धशतकीय वाढ!

नायक वृत्तसेवा, संगमनेर

संगमनेर तालुक्यातील कोविड बाधितांच्या संख्येत दररोज भर पडण्याची शृंखला अव्याहत असून आजही शहर व तालुक्यातील 50 रुग्ण संक्रमित असल्याचा अहवाल प्राप्त झाला आहे. शासकीय व खासगी प्रयोगशाळेसह रॅपिड अँटीजेन चाचणीतून शहरातील नऊ जणांसह ग्रामीण भागातील 41 रुग्णांचे अहवाल पॉझिटिव्ह प्राप्त झाले आहेत. तालुक्याच्या रुग्णसंख्येत आज तब्बल पन्नास रुग्णांची भर पडल्याने तालुक्याने बाधितांचे सहविसावे शतक ओलांडले असून रुग्णसंख्या 2 हजार 638 वर पोहोचली आहे.

गेल्या 26 ऑगस्ट पासून शहराच्या तुलनेत ग्रामीण भागात मोठ्या प्रमाणात कोविडचा प्रादुर्भाव होत असल्याचे समोर आले आहे. आजही पन्नास अहवाला पैकी तब्बल 41 अहवाल ग्रामीण भागातून पॉझिटिव आले आहेत. तर शहरातील केवळ नऊ जणांचे अहवाल संक्रमित असल्याचे समोर आले आहे. आजच्या अहवालातून मालदाडरोड परिसरातील 50 वर्षीय इसम, 22 वर्षीय महिला व वीसएकोणा वर्षीय तरुण, महात्मा फुलेनगर मधील 70 वर्षीय ज्येष्ठ नागरिकासह 63 वर्षीय महिला, गणेशनगर परिसरातील 58 वर्षीय इसम, मदिनानगर मधील 41 वर्षीय तरुण व रंगारगल्लीतील 50 वर्षीय महिलेसह 35 वर्षीय तरुण पॉझिटिव्ह असल्याचा अहवाल प्राप्त झाला आहे.

त्यासोबतच तालुक्यातील रहिमपूर येथील 43 वर्षीय तरुण, मंगळापुर येथील 44 वर्षीय तरुण, गुंजाळवाडीतील  50 वर्षीय इसमासह 27 वर्षीय तरुण, वडगाव लांडगा येथील 55 वर्षीय इसम, घारगाव मधील 54 वर्षीय महिला व 52 वर्षीय इसम, माळेगाव हवेली येथील 50 वर्षीय इसम, पिंपळे येथील 70 वर्षीय ज्येष्ठ नागरिक, घुलेवाडी येथील 56, 54 व 52 वर्षीय इसम, कोठे बुद्रुक येथील 43 वर्षीय व 19 वर्षीय महिला, वनकुटे येथील 58 व 33 वर्षीय महिलांसह 16, 10 व 10 वर्षीय बालिका, 60 वर्षीय इसम व 34 वर्षीय तरुणासह दोन वर्षीय बालक,

वेल्हाळे येथील एकोणीस वर्षीय तरुण, झोळे येथील 85 वर्षीय वयोवृद्धासह 70 वर्षीय महिला, पानोडी येथील 40 वर्षीय महिला, खळी येथील 50 वर्षीय इसम, निमगाव पागा येथील 62 व 34 वर्षीय महिला, चिंचपूर येथील 61 वर्षीय ज्येष्ठ नागरिक, लोहारा येथील 35 वर्षीय महिला, देवकौठे येथील 66 व 50 वर्षीय महिलेसह 42 वर्षीय तरुण, तळेगाव दिघे येथील 50 वर्षीय महिला, वडगाव पान मधील 68 व 51 वर्षीय इसम व रायतेवाडीतील 45 वर्षीय तरुणाला कोविडचे संक्रमण झाले आहे. आजच्या अहवालातूनही संगमनेर तालुक्यात 50 रुग्णांची वाढ झाल्याने तालुक्याने बाधितांचे सहविसावे शतक ओलांडीत 2 हजार 638 रुग्णसंख्या गाठली आहे.