कारची दुचाकीला धडक; तिघे गंभीर जखमी

नायक वृत्तसेवा, संगमनेर
शहरातील अकोले नाक्यावर एका कारने दुचाकी वाहनाला जोराची धडक दिल्याने तिघेजण गंभीर जखमी झाल्याची घटना बुधवारी (ता.18) सकाळी अकरा वाजेच्या सुमारास घडली आहे. जखमींना तत्काळ रुग्णवाहिकेतून खासगी रुग्णालयात हलविण्यात आले.

याबाबतची अधिक माहिती अशी की, संगमनेर नगरपालिकेतील रोटरी क्लबमधून डोळ्यांचा इलाज करून तिघेजण अकोलेकडे जात असताना अकोले नाक्यावर कारने दुचाकीवरील तिघांना धडक दिली. या अपघातात तिघे गंभीर जखमी झाले. जखमींना तत्काळ रुग्णवाहिकेतून खासगी रुग्णालयात उपचारार्थ नागरिकांच्या मदतीने हलविण्यात आले. तत्पूर्वी सिग्नल व्यवस्था, रस्त्यांची दुर्दशा आणि अपूर्ण कामे अपघातांना आमंत्रण देत आहेत. त्यामुळे संबंधित विभागाने लवकरात लवकर लक्ष देणे गरजेचे आहे. अन्यथा अपघातांची श्रृंखला सुरूच राहण्याची शक्यता आहे.