रहिमपूर परिसरातील सर्व पिकांचे पंचनामे करा! 

या संदर्भात प्रांताधिकारी अरुण उंडे यांना दिलेल्या निवेदनात येथील ग्रामस्थांनी म्हटले आहे की, नुकत्याच झालेल्या जोरदार पावसाने आणि अतिवृष्टीने रहिमपूर परिसरातील शेतकऱ्यांच्या शेतात मोठ्या प्रमाणात पाणी साचले आहे. त्यातच कोकणगाव, वडगाव पान, मनोली परिसरात झालेल्या जोरदार पावसाचे पाणीही वाहत येऊन रहिमपूर परिसरातील  शेतकऱ्यांच्या शेतात आले होते. त्यामुळे शेतांना तळ्याचे स्वरूप प्राप्त शेती पिकांचे मोठ्या प्रमाणात नुकसान झाले आहे. त्यामुळे सरसकट पंचनामे करण्याची आवश्यकता असताना सध्या केवळ मका, सोयाबीन, कापूस या पिकांचेच पंचनामे प्रशासनाकडून सुरू आहेत. त्यामुळे सरसकट मका, सोयाबीन, कापूस याच्याबरोबरच इतर भाजीपाल्याची पिके, जनावरांचा चारा, आणि ऊस पिकांचे पंचनामे करावेत अशी मागणी या निवेदनातून करण्यात आली आहे.