वसुंधरा अकॅडेमीत इको फ्रेंडली गणपती  प्रशिक्षण

या उपक्रमामागचा उद्देश विद्यार्थ्यांमध्ये पर्यावरणाची जाणीव निर्माण करणे हा होता. प्लास्टर ऑफ पॅरिस व रासायनिक रंगांमुळे जलप्रदूषण होते, हे लक्षात घेता शाळेने विद्यार्थ्यांना नैसर्गिक आणि पुनर्वापर करता येणाऱ्या साहित्यांचा वापर करण्याचे प्रोत्साहन दिले. प्राचार्या डॉ. जयश्री देशमुख यांनी सांगितले की, विद्यार्थ्यांनी तयार केलेले गणपती केवळ कलात्मकच नव्हते, तर प्रत्येक मूर्ती मागे एक सामाजिक किंवा पर्यावरणीय संदेश देखील होता.

कुणी जलसंवर्धनाचे महत्त्व अधोरेखित केले, तर कुणी झाडे लावा, पर्यावरण वाचवा हा संदेश दिला.संस्थेचे अध्यक्ष  मधुकर नवले, सचिव  विक्रम नवले, कोषाध्यक्ष डॉ. जयश्री देशमुख, सहसचिव प्राचार्या अल्फोन्सा डी., सर्व पदाधिकारी, सर्व विभागांचे  प्राचार्य व सर्व पालकांनी शाळेच्या या अभिनव उपक्रमाचे कौतुक केले. या उपक्रमामुळे विद्यार्थ्यांमध्ये सृजनशीलता, सामाजिक जाणीव आणि पर्यावरणाबाबतची जबाबदारी या सर्व गोष्टींचा समतोल साधला गेला.