माझ्या दत्तात्रयाला न्याय द्या; आईचा टाहो न्यायासाठी कुटुंब आणि गाव बसले साखळी उपोषणाला

कै. दत्तात्रेय मागील १३-१४ वर्षांपासून सांगली जिल्ह्यातील तासगाव तालुक्यात  योगेशवाडी येथे सचिन सुरेश साळुंखे  यांच्या कुक्कुटपालन शेडवर काम करत होते. १४ मार्च रोजी त्यांचा तेथे संशयास्पद मृत्यू झाला होता.कवटे कुटुंबीयांनी त्यांच्या मृत्यूची चौकशी करण्याची मागणी केली असता ती अद्याप पूर्ण झाली नाही, त्यामुळे त्यांनी साखळी उपोषणाचे हत्यार उपसले आहे. दत्तात्रय कवठे यांच्या मृत्यू प्रकरणी आदिवासी अत्याचार प्रतिबंधक कलमांखाली गुन्हा दाखल करावा,सीआयडी किंवा एसआयटीमार्फत चौकशी व्हावी,प्रकरण फास्ट ट्रॅक कोर्टात चालवावे,केस अहिल्यानगर जिल्ह्यात चालवावी, जेणेकरून साक्षीदारांना न्यायालयात हजर राहता येईल अशा मागण्या केल्या आहेत. त्यामुळे कवठे कुटुंब आणि घोटी ग्रामस्थांचा आवाज सरकारने, प्रशासनाने ऐकावा, आणि दत्तात्रय यांना न्याय मिळवून द्यावा, अशी एकमुखी मागणी संपूर्ण परिसरातून केली जात आहे. न्याय न मिळाल्यास संपूर्ण तालुक्यात मोठे आंदोलन केले जाईल जाईल असा इशारा घोटी ग्रामस्थ व परिसरातील जनतेने दिला आहे.