जागतिक व्यासपीठावर संगमनेरचा सन्मान!  प्राचार्य डॉ.गायकवाड यांचा सिंगापूर परिषदेत सहभाग

डॉ. गायकवाड हे शिक्षण व संशोधन क्षेत्रातील नामवंत व्यक्तिमत्व असून त्यांना राष्ट्रीय आणि राज्यस्तरीय अनेक पुरस्कारांनी गौरविण्यात आले आहे. सावित्रीबाई फुले पुणे विद्यापीठाच्या राष्ट्रीय शैक्षणिक धोरण समित्यांमध्ये त्यांनी मोलाचे योगदान दिले आहे. त्यांचे शोधनिबंध देश-विदेशातील प्रतिष्ठित नियतकालिकांमध्ये प्रकाशित झाले असून त्यांच्या नावावर दोन पेटंटही आहे.महाविद्यालयाला मिळालेल्या स्वायत्त दर्जा अंमलबजावणीसाठी त्यांनी सातत्याने प्रयत्नशील राहून राष्ट्रीय शैक्षणिक धोरण २०२० अंतर्गत यशस्वी अंमलबजावणी केल्याबद्दल महाराष्ट्र शासनाने संगमनेर महाविद्यालयाची ‘अहमदनगर जिल्ह्याचे नोडल महाविद्यालय’ म्हणून निवड केली आहे.जागतिक पातळीवरील या उल्लेखनीय यशाबद्दल शिक्षण प्रसारक संस्थेचे कार्याध्यक्ष डॉ. संजय मालपाणी, सचिव डॉ. अनिल राठी, खजिनदार  राजकुमार गांधी, जनरल सेक्रेटरी सीए नारायण कलंत्री व इतर सर्व पदाधिकाऱ्यांनी  अभिनंदन केले आहे.