गुरु देवाचा महोत्सव म्हणजे प्रत्येकाचा आत्मोत्सव : संत परमानंद महाराज

नायक वृत्तसेवा, कोपरगाव
प्रत्येकाच्या हृदयामध्ये अखिल विश्वाचा सदगुरु म्हणजेच निर्गुण परमात्मा निवास करत आहे. अशा या विश्वात्मक गुरुदेवाचा महोत्सव म्हणजे प्रत्येकाचा आत्मोत्सव आहे. म्हणून प. पु. गुरुदेव आत्मा मालिक माऊलींच्या कृपाशिर्वादाने आत्मसाधना करणारा प्रत्येक भक्त या गुरुपौर्णिमा वार्षिक सोहळ्यासाठी राज्यासह इतर राज्यातूनच नव्हे तर अनेक विदेशातूनही उपस्थित राहणार असल्याची माहिती आत्मा मालिक ध्यानपीठाचे अध्यक्ष संत परमानंद महाराज यांनी दिली.

दिनांक ८, ९ व १० जुलै दरम्यान चालणार्‍या या गुरुपौर्णिमेच्या महोत्सवासाठी विविध सत्संग मंडळे, गावोगावची भजनी मंडळे, विविध प्रवचनकार, किर्तनकार आपली सेवा देणार आहेत. दैनंदिन काकड आरती, हरिपाठ, आदी कार्यक्रम अखंडपणे चालणार असल्याची माहिती पत्रकार परिषदेत आत्मा मालिक ध्यानपीठाचे अध्यक्ष संत परमानंद महाराज यांनी दिली.सदर उत्सवासाठी ५० हजार स्क्वेअर फुट सत्संग मंडप, दर्शन रांगेची व्यवस्था, संपूर्ण आश्रम परिसरात विद्युत रोषणाई तसेच हा संपूर्ण सोहळा पार पाडण्यासाठी विविध प्रकारच्या २१ समिती संत पीठाच्या अधिन्स सेवा देणार असल्याची माहिती ध्यानपीठाचे सचिव संत विश्वानंद महाराज यांनी दिली. गुरुकार्यातील परंपरेप्रमाणे विविध सत्संग मंडळानी भिक्षाफेरी करुन अखंड चालणार्‍या अन्नछत्रासाठी प्रसादालय विभागामध्ये अन्नधान्याच्या राशी अर्पण केल्याचे प्रसादालय प्रमुख तथा उपाध्यक्ष बाळासाहेब गोरडे, सरचिटणीस हनुमंत भोंगळे, संत चांगदेव महाराज व प्रभावती माई यांनी दिली.

महोत्सवादरम्यान पंचपक्वान्नसहीत विविध पदार्थांचा समावेश असणारा विशाल महाप्रसाद अखंड २४ तास वितरीत केला जाणार आहे. तसेच या उत्सव काळात चौदसच्या दिवशी दर्शनासाठी येणार्‍या भाविकांरिता ५१ पोते बुंदीचा महाप्रसाद वितरीत केला जाणार असल्याची माहिती प्रकाश भट, प्रकाश गिरमे, आबासाहेब थोरात, विठ्ठल होन, प्रभाकर जमधाडे, वसंत आव्हाड यांनी दिली.

या महाप्रसाद वितरणासाठी महाराष्ट्रातील विविध मंडळासह विशेष सौराष्ट्रहून गुजरात अन्न छत्राची सेवा करण्यासाठी २०० भाविक उपस्थित राहणार असल्याचे सुरतचे संत कृर महाराज व जाधवभाई पावसीया यांनी सांगितले. उत्सवासाठी येणार्‍या लाखो भाविकांची विस्तृत निवास व्यवस्था सेवेसाठी सज्ज असल्याची माहिती संत गणूदास महाराज व प्रदीप भंडारी, श्रीधर गायकवाड यांनी दिली. या वार्षिक महोत्सवाचे औचित्य साधुन आत्मा मालिक शैक्षणिक संकुलातील हजारो विद्यार्थ्यांनी आपल्या मुख्याध्यापक व वर्ग शिक्षकासह प. पू. सदगुरुंचे पुजन करुन आशिर्वाद घेतले. या सर्व विद्यार्थ्यांचे पालक वृंद देखील महोत्सवास सहभागी होवून सदगुरुंच्या दिव्य दर्शनाचा व महाप्रसादाचा लाभ घेणार असल्याची माहिती विश्वात्मक जंगली महाराज आश्रम ट्रस्टचे अध्यक्ष नंदकुमार सुर्यवंशी यांनी दिली. आश्रमाच्या विविध शाखांचे सकल संत व संत माता स्थानिक व्यवस्थान समितीच्या पदाधिकार्‍यासह विविध संत्सग मंडळे अनेक भाविक भक्तांनी तनमन धन अर्पण करुन या सत्कार्यास हातभार लावल्याची माहिती आत्मा मालिक ध्यानपीठाचे कोषाध्यक्ष संत विवेकानंद महाराज, विठ्ठल होन, भगवान दौंड, जाधवभाई पावसीईया, विष्णुपंत पवार, मोहन शैलार, उमेश जाधव, विलास पाटील यांनी दिली.

हा संपूर्ण गुरुपोर्णीमा उत्सव सोहळा ऑनलाईन पध्दतीने प्रसारीत केला जाणार असल्याची माहिती प्रकाश मेहता, उदय शिंदे यांनी दिली.या सोहळयास कोकमठाण ग्रामस्थांसह विविध गावातील संत्सग मंडळे सेवा देणार असल्याची माहिती आत्मा मालिक ध्यानपीठाच्या वतीने देण्यात आली.

सालाबाद प्रमाणे हजारो भाविकांनी ४५ दिवसांचे आत्मानुष्ठाण पूर्ण करत तनमनाच्या शुध्दी करणासहित आपल्याच अंतर्यामी अत्मस्वरुपाचे संशोधन करण्यासाठी पाण्यावर उपवास करुन अनुष्ठाण विधी संत शांतीमाई यांचे करकमलाव्दारे संपन्न केल्याची माहिती ध्यानपीठाचे उपध्यक्ष संत निजानंद महाराज, श्रीमती कमल पिचड, सुरेखा मोहिते यांनी दिली.