पर्यावरण व ग्रामविकास प्रशिक्षण कार्यक्रम उत्साहात 

या प्रशिक्षणात तालुक्यातील सर्व सरपंच, ग्रामसेवक, आणि ग्रामपंचायत अधिकारी मोठ्या संख्येने सहभागी झाले होते. कार्यक्रमाचे प्रमुख उद्दिष्ट होते, मियावाकी वृक्ष लागवड, गावाचा हरित विकास, आणि डॉर्फ केटल जंगल कप ३.० मध्ये प्रभावी सहभागासाठी गावांमध्ये नेतृत्व तयार करणे.या प्रशिक्षण प्रसंगी गटविकास अधिकारी अमर माने,  सहाय्यक गटविकास अधिकारी चौरे, तालुका कृषी अधिकारी श्रीमती शिंदे, तसेच पंचायत समितीचे इतर मान्यवर अधिकारी उपस्थित होते. त्यांनी ग्रामपंचायतीच्या भूमिकेचे महत्त्व स्पष्ट करत पर्यावरण संवर्धनासाठी ग्रामस्थांनी पुढाकार घेण्याचे आवाहन केले.डॉर्फ केटल केमिकल्स प्रायव्हेट लिमिटेडचे प्रमुख संतोष जगधने यांनी कंपनीच्या सामाजिक दायित्वाच्या दृष्टीकोनातून ग्रामीण भागातील शाश्वत विकास व हरित भारत संकल्पनेवर प्रकाश टाकला.

नवदृष्टी संस्थेचे संस्थापक  नागेश टेकाळे व सप्रेम संस्थेचे  प्रकाश गायकवाड  यांनी गावांमध्ये राबवले जाणारे पर्यावरण विषयक उपक्रम, महिलांच्या सशक्तीकरणाचे प्रयत्न आणि तरुणांसाठी रोजगारक्षम उपक्रम यांची माहिती दिली.या कार्यक्रमाचे समन्वयन प्रकल्प समन्वयक  हिमांशु लोहकरे यांनी केले. तालुका समन्वयक  नितीन कोकणे यांनी संपूर्ण तालुक्यातील गावांमध्ये या उपक्रमाचा विस्तार कसा करता येईल, यावर मार्गदर्शन केले.