कोपरगाव शहर शिवसेनेची नूतन कार्यकारिणी जाहीर

कोपरगाव शहर शिवसेनेची नूतन कार्यकारिणी जाहीर
पक्षाची बदनामी होईल असे न वागण्याचा जिल्हाप्रमुख राजेंद्र झावरेंचा सल्ला
नायक वृत्तसेवा, कोपरगाव
उत्तर नगर शिवसेना जिल्हाप्रमुख राजेंद्र झावरे यांच्या मार्गदर्शनाखाली व शहरप्रमुख कलविंदरसिंग दडीयाल यांच्या सूचनेप्रमाणे कोपरगाव शहर शिवसेनेची जुनी कार्यकारिणी बरखास्त करून नूतन कार्यकारिणी नुकतीच जाहीर करण्यात आली आहे.

यामध्ये उपशहरप्रमुखपदी विकास शर्मा, प्रफुल्ल शिंगाडे, गोपाल वैरागळ, गगन हाडा, भूषण पाटणकर, आकाश कानडे, शहर संघटकपदी बाळासाहेब साळुंके व नितीन राऊत, सहसंघटकपदी वैभव गिते, विभाग प्रमुखपदी विजय शिंदे, दीपक बरदे, जयेश हसवाल, समीर शेख, रफीक शेख, मयूर दळवी, सौरव गायकवाड, शैलेश वाघ, किरण गायकवाड आदिंची नियुक्ती करण्यात आली आहे.

यावेळी बोलताना जिल्हाप्रमुख झावरे म्हणाले, नूतन पदाधिकार्‍यांनी पक्षाची बदनामी होईल असे वागू नये, शिवसेनेशी, पक्षप्रमुखांशी व आपल्या पदाशी प्रामाणिक रहावे व पदावर राहून दुसर्‍या पक्षाचे काम करू नका, असा खोचक सल्लाही दिला. पदाचा मान राखा, पक्षाचे ध्येय धोरणे व विचार प्रत्येक घरात पोहोचविण्याचा मनापासून प्रयत्न करा, असे आवाहन केले. शहरप्रमुख दडीयाल म्हणाले, नवनिर्वाचित पदाधिकार्‍यांनी खांद्याला खांदा लावून काम करायचे आहे. फक्त समाज माध्यमांवर काम करणार्‍या लोकांना पद द्यायचे नव्हते. खरे काम करणार्‍यांना पदे दिलेली आहेत. शिवसेना समाजकारण करण्यासाठी आहे. पहिले काय होते ते विसरा व आता ही शिवसेना नवीन जोमाने काम करणार असून जो कोणी पक्षाच्या ध्येयधोरणा विरोधात काम करेल त्याच्यावर तातडीने कारवाई करण्यात येईल.

तसेच एसटी कामगार सेनाप्रमुख भरत मोरे व विधानसभा संघटक अस्लम शेख यांनीही मनोगत व्यक्त करुन नूतन पदाधिकार्‍यांना मार्गदर्शन केले. नूतन पद नियुक्तीमुळे सर्व शिवसैनिकांमध्ये उत्साह वाढला आहे. कार्यक्रमाच्या वेळी संपूर्ण वातावरण ‘जय भवानी, जय शिवराय’च्या घोषणांनी दुमदुमून गेले होते. यावेळी युवासेना सहसचिव सुनील तिवारी, रवींद्र सोमासे, युवा नेते विक्रांत झावरे, योगेश मोरे, गोविंदा शिंदे, दशरथ सालकर, विशाल झावरे, निशांत झावरे, इरफान शेख, मुन्ना मन्सुरी, वाल्मिक चिने, अक्षय नन्नवरे, अक्षय वाकचौरे, अजय शिंगाडे, सनी डहाके, भूषण वडांगळे, रितेश राऊत, रोहित बरदे, महिला आघाडी जिल्हाप्रमुख सपना मोरे, राखी वीसपुते, अश्विनी होने, नगरसेविका वर्षा शिंगाडे आदी शिवसैनिक उपस्थित होते. सूत्रसंचालन भरत मोरे यांनी केले तर आभार सपना मोरे यांनी मानले.