आत्मा मालिक 109 विद्यार्थ्यांसह शिष्यवृत्ती परीक्षेत राज्यात अव्वल सर्वाधिक विद्यार्थी गुणवत्ता यादीमध्ये येण्याचा सलग तिसर्‍या वर्षी मान
नायक वृत्तसेवा, कोपरगाव
महाराष्ट्र राज्य परीक्षा परिषद पुणे, आयोजित पूर्व उच्च प्राथमिक व पूर्व माध्यमिक शिष्यवृत्ती परीक्षेत आत्मा मालिक शैक्षणिक संकुलाच्या आत्मा मालिक माध्यमिक व उच्च माध्यमिक गुरुकुलाच्या 109 विद्यार्थ्यांची शिष्यवृत्ती गुणवत्ता यादीमध्ये निवड झाली आहे. यामध्ये पूर्व उच्च प्राथमिक शिष्यवृत्ती परीक्षेत 28 तर पूर्व माध्यमिक शिष्यवृत्ती परीक्षेत 81 विद्यार्थ्यांची निवड झाली. यामध्ये राज्यातील 24 हजार शाळांमधील विद्यार्थी प्रविष्ठ झालेले होते. त्यात सलग तिसर्‍या वर्षी आत्मा मालिक माध्यमिक गुरुकुलाचे सर्वाधिक विद्यार्थी गुणवत्ता यादीत चमकले. तर द्वितीयस्थानी वसुंधरा प्राथमिक विद्यालय (आष्टी) हे आहे. शिष्यवृत्ती परीक्षेतील हे यश शिक्षकांची अपार मेहनत, विद्यार्थ्यांचे संपूर्ण समर्पण आणि आत्मा मालिक पॅटर्न अंतर्गत राबविण्यात आलेले विविध उपक्रम यांची फलश्रृती असल्याची प्रतिक्रिया प्राचार्य निरंजन डांगे यांनी दिली.
सदर निवड झालेल्या विद्यार्थ्यांमध्ये राहुल कोकरे राज्यात 8 वा व जिल्ह्यात पहिला, ओमकार कोकरे राज्यात 12 वा, विजय कापडी राज्यात 14 वा, सौरभ थोरात राज्यात 14 वा तर दुर्गेश चव्हाण राज्यात 10 वा क्रमांकावर स्थान मिळविले. या विद्यार्थ्यांना प्राचार्य निरंजन डांगे, विभाग प्रमुख रमेश कालेकर, सागर अहिरे, मीना चव्हाण, सचिन डांगे, पर्यवेक्षक अनिल सोनवणे, बाळासाहेब कराळे, रवींद्र देठे, सुनील पाटील, विषय शिक्षक अनिल सोनवणे, दीपक चौधरी, प्रियंका चौधरी, संतोष भांड, रुपाली होन, कोमल जगताप, राहुल जाधव, अनिता कोल्हे, रवींद्र धावडे, गणेश रासने, किशोर बडाख, मनोज वैद्य, नितीन अनाप, प्रशांत कर्पे, वनिता एखंडे, मीना जाधव, रोहिणी सूर्यवंशी, इंदू बहिरम यांचे मार्गदर्शन लाभले.
सर्व यशस्वी विद्यार्थ्यांचे आत्मा मालिक माऊली, अध्यक्ष नंदकुमार सूर्यवंशी, उपाध्यक्ष भगवान दौंड, सरचिटणीस हनुमंत भोंगळे, कोषाध्यक्ष विठ्ठल होन, विश्वस्त प्रभाकर जमधडे, प्रकाश भट, बाळासाहेब गोर्डे, प्रकाश गिरमे, माधव देशमुख, शालेय व्यवस्थापक सुधाकर मलिक आदिंनी अभिनंदन केले.
