इंस्टाग्रामवर आक्षेपार्ह  व्हिडिओ टाकणाऱे दोघे गजाआड 

शनिवार दि.४ ऑक्टोबर २०२५ रोजी श्रीरामपूर येथून  शाहिद हुसेन शेख (वय २१,  रा. श्रीरामपूर),  सात हशम सय्यद (वय २०, रा. वार्ड नंबर १ श्रीरामपूर) हे  दोन तरुण लोणी परिसरामध्ये गेले होते. तेथे त्यांनी एक व्हिडिओ तयार करून तो व्हिडिओ इंस्टाग्रामवर अपलोड केला होता. या व्हिडिओमध्ये हे दोन्ही तरुण श्रीरामपूर वरून लोणी येथे महाविद्यालयात शिक्षणासाठी आलेल्या  मुलींची टिंगल टवाळी करण्यासाठी आल्याबाबत परस्परांशी बोलत असल्याचे दिसून येत आहे.त्यांचा उद्देश हा दुसरा तिसरा कोणताही नसून केवळ मुलींची छेड काढणे  हा असल्याचे इंस्टाग्रामवरील व्हिडिओ वरून दिसून आल्यावर पोलिसांनी या दोघाही तरुणांचा शोध घेऊन त्यांना ताब्यात घेतले.