महात्मा फुले विद्यालयाची क्रीडा स्पर्धेत चमकदार कामगिरी

शासनाच्या वतीने दरवर्षी तालुकास्तर, जिल्हास्तर, राज्यस्तर आणि विभागीय पातळीवर विविध स्पर्धांचे आयोजन करण्यात येते.यावर्षीही तालुकास्तरावर क्रीडा स्पर्धा मोठ्या उत्साहात पार पडल्या.या स्पर्धेत महात्मा फुले विद्यालय सुगाव बु विद्यालयाने फुटबॉल १७ वर्षे वयोगट मुले प्रथम, १७ वर्षे वयोगट मुली द्वितीय,१४ वर्षे वयोगट मुली द्वितीय तर व्हॉलीबॉल १७ वर्षे वयोगट मुली द्वितीय व मुले तृतीय,१४ वर्षे वयोगट मुले व मुली द्वितीय क्रमांक पटकावला.रिंग टेनिस या क्रीडा प्रकारात मुलींचा जिल्हास्तरावर द्वितीय क्रमांक व बुद्धिबळ स्पर्धेत आराध्या चौधरी हिने तालुकास्तरावर चतुर्थ क्रमांक मिळवत जिल्हास्तरावरील निवडीस पात्र ठरली.एथलेटिक्स उंच उडी स्पर्धेत अलिना पठाण हिने तालुक्यात द्वितीय क्रमांक मिळवला.रिंग टेनिस स्पर्धेत राज्य पातळीवर नांदेड येथे विद्यालयाचा ओम शिवदास देशमुख याने चतुर्थ क्रमांक पटकावत राज्य पातळीवर विद्यालयाला बहुमान मिळवून दिला व यश मंगेश देशमुख याने राज्यस्तरावर सहभाग नोंदवला.तर रिंग टेनिस राज्य पातळीवर निवड चाचणीसाठी श्रावणी महेंद्र देशमुख, खुशी रमेश आवारी यांची निवड झाली आहे.एस एस सी परीक्षेत जिल्हा व राज्य पातळीवर विशेष कामगिरी बजावणाऱ्या खेळाडूस अधिक गुण मिळत असतात.यावर्षीही काही विद्यार्थ्यांना अतिरिक्त क्रीडा विभागाचे गुण मिळणार असल्याने विद्यार्थी सहभाग वाढत असल्याचे चित्र दिसून येत आहे.