शासकीय मागासवर्गीय वसतीगृहाला सरकारची मंजुरी 

 तालुक्याच्या ग्रामीण भागातील अनेक विद्यार्थी आणि विद्यार्थिनी शिक्षणासाठी संगमनेरला येत असतात मात्र त्यांच्या निवास आणि भोजनाच्या  सुविधांचा अभाव असल्यामुळे त्यांचे शिक्षण अर्धवट राहते. किंवा त्यांना शहराबाहेर महागड्या खाजगी वसतीगृहांचा  पर्याय स्वीकारावा लागतो.  तसेच वसतीगृह नसल्यामुळे अनेक गरीब व मागासवर्गीय विद्यार्थी शिक्षणापासून वंचित राहतात. जर नवीन शासकीय वसतीगृह  सुरू झाले तर त्यांची निवास, भोजन व अभ्यास करण्याची सोय होऊ शकते आणि त्यांची शैक्षणिक प्रगती वेगाने होऊन त्यांचे सामाजिक आणि आर्थिक सबलीकरण होईल तसेच सामाजिक  व शैक्षणिक संधी मिळेल अशी मागणी आ. अमोल खताळ यांनी सामाजिक न्यायमंत्री संजय शिरसाट यांच्याकडे केली होती. त्यांनी तात्काळ या मागणीची दखल घेऊन मागासवर्गीय विद्यार्थ्यांसाठी नवीन वसतीगृह सुरू करण्यास मंजुरी दिली आहे. त्यामुळे मागासवर्गीय विद्यार्थ्यांना याचा निश्चित फायदा होणार आहे.