चांदवड येथून आणलेल्या ज्योतीची झरेकाठीत मिरवणूक

 संगमनेर तालुक्यातील झरेकाठी येथील लक्ष्मी माता तरुण मित्र मंडळाचे कार्यकर्ते देवीची ज्योत आणण्यासाठी चांदवड येथे रेणुका माता देवीकडे रवाना झाले होते. हे तरुण पायी चालत देवीची ज्योत घेऊन झरेकाठीच्या कॅनॉल जवळ आल्यावर गावकऱ्यांनी डीजेच्या दणदणाटात  या ज्योतीचे स्वागत करत गावातून मिरवणूक काढली. यावेळी ग्रामस्थ मोठ्या संख्येने मिरवणुकीत सहभागी झाले होते. महिलांनी  ज्योतीची विधीवत पूजा करून ज्योती मध्ये तेल टाकून दर्शन घेतले. भर पावसात निघालेल्या या मिरवणुकीला ग्रामस्थांनी उत्स्फूर्त प्रतिसाद दिल्यामुळे गावात मंगलमय वातावरण निर्माण झाले होते.