विद्यार्थ्यांच्या मतदानातून झाली वर्ग प्रतिनिधींची निवड

विद्यार्थ्यांना निवडणूक प्रक्रियेची माहिती व्हावी, यासाठी या माध्यमिक व उच्च माध्यमिक विद्यालयात ही निवडणूक प्रक्रिया पार पडली. निवडणूक निर्णय अधिकारी म्हणून उच्च माध्यमिक विद्यालयाचे इन्चार्ज सोपान धुळगंड यांनी काम पाहिले तर निवडणूक अधिकारी म्हणून  संतोष कुदनर, अनिल वडीतके, भाऊसाहेब वावरे, सोमेश्वर गायकवाड, तान्हाजी हिले, नवनाथ नालकर, प्रकाश टेकूडे, प्रा. वैशाली गायकर, मनीषा त्रिभुवन, ज्योती वडीतके, तसेच सर्व शिक्षकांनी  काम पाहिले. वीरभद्र माध्यमिक व उच्च माध्यमिक विद्यालयात यंदा प्रथमच निवडणूक प्रक्रियेद्वारे विद्यार्थ्यांच्या मतदानातून वर्ग प्रतिनिधींची निवड करण्यात आल्याने विद्यार्थ्यांनी समाधान व्यक्त केले आहे. या मतदान प्रक्रियेसाठी मतदान कक्ष, निवडणूक कक्ष, मतदान यादी, मतदानाचा हक्क याची सर्व माहिती शिक्षकांनी विद्यार्थ्यांना दिली.