थोरात  क्रीडा संकुलात उद्या योग दिनाचे आयोजन : डॉ. जयश्री थोरात

नायक वृत्तसेवा, संगमनेर 

या संयुक्त योग दिनाच्या बाबत माहिती देताना युवक काँग्रेसच्या अध्यक्षा डॉ. जयश्री थोरात म्हणाल्या की, माजी मंत्री बाळासाहेब थोरात यांच्या मार्गदर्शनाखाली एकविरा फाउंडेशनच्या  माध्यमातून महिलांच्या आरोग्य व सबलीकरणासाठी सातत्याने विविध उपक्रमांचे आयोजन केले जात आहे.  २१ जून हा आंतरराष्ट्रीय योगा दिन असून या निमित्ताने  उद्या सकाळी ७.३० ते ८.३० या वेळेत योगा शिबिराचे आयोजन केले आहे. यामध्ये माजी मंत्री बाळासाहेब थोरात, माजी आमदार डॉ. सुधीर तांबे, दुर्गा तांबे, आमदार सत्यजित तांबे हे ही सहभागी होणार आहेत. याचबरोबर सह्याद्री विद्यालय व ज्युनिअर कॉलेज मधील सुमारे दोन हजार विद्यार्थी, शिक्षक, शिक्षकेतर कर्मचारी याचबरोबर संगमनेर शहर व तालुक्यातील महिला, युवक व नागरिक मोठ्या संख्येने सहभागी होणार आहेत. उद्या शनिवारी होणाऱ्या या  योग दिनाच्या शिबिरात शहर व तालुक्यातील सर्व युवक कार्यकर्ते, पदाधिकारी, महिला व नागरिक यांनी मोठ्या संख्येने सहभागी व्हावे असे आवाहन एकविरा फाउंडेशन,  सह्याद्री विद्यालय, ज्युनिअर कॉलेज आणि जयहिंद लोकचळवळ यांच्या वतीने करण्यात आले आहे.