मूल्यसंस्कारच्या माध्यमातून सुसंस्कृत पिढी घडविण्याचे कार्य : दिघे

नायक वृत्तसेवा, श्रीरामपुर

 बालसंस्कार व युवा प्रबोधन या विभागाच्या माध्यमातून सृजन व सुसंस्कृत पिढी घडविण्याचे कार्य होत असल्याचे गौरवोद्गार माजी सभापती बाबासाहेब दिघे यांनी काढले.

मुलांवर योग्य संस्कार व्हावेत यासाठी केंद्र, गाव शाळा व वाडे, वार्ड, कॉलनी, अनाथलय, आश्रमशाळा, इत्यादी ठिकाणी बालसंस्कार वर्ग सुरु करून विद्याथ्यांना सर्वगुण संपन्न बनविणे, त्यांचे आत्मबल मनोबल वाढवून, आई-वडील, शिक्षक, अतिथी तसेच देश इ. विषयक आदर निर्माण करणे, मूल्यशिक्षणातुन संस्कार, नैतिकता व चारित्र्याचे संवर्धन करणे हे महत्वपूर्ण कार्य बालसंस्कार व युवा प्रबोधन या विभागाच्या माध्यमातून सृजन व सुसंस्कृत पिढी घडविण्याचे कार्य   गुरुमाऊली  आण्णासाहेब मोरे यांच्या आशीर्वादाने तसेच  नितीन भाऊ मोरे यांच्या मार्गदर्शनाने सुरु आहे. दिंडोरी प्रणित सुतगिरणी केंदाच्या वतीने बालसंस्कार व युवा प्रबोधन विभाग एकदिवसीय जिल्हा व तालुकास्तरीय उन्हाळी मुल्यसंस्कार शिबीराच्या शुभारंभ प्रसंगी माजी बांधकाम सभापती बाबासाहेब दिघे बोलत होते. यावेळी दत्तनगरच्या सरपंच सारीका  कुंकुलोळ, आशा दिघे, नमना  शेवाळे, सुरेश शेवाळे उपस्थित होते.