चाकूचा धाक दाखवत तरुणाला लुटले!

हसनेन मोहम्मदपजीर शेख (वय २३, रा. कायनेटिक चौक, अहिल्यानगर) यांनी याबाबत फिर्याद दिली आहे. दिलेल्या फिर्यादीत म्हटले आहे की, तो त्याचे मित्र मोहम्मद समीर व मोहम्मद इम्रान हे तिघे स्वप्निल साई सुर्या हॉटेल येथे वेटर म्हणून काम करतात. मंगळवार दि. ७ ऑक्टोबर रोजी पहाटे १ वाजता हॉटेलमधील काम आटोपून तिघेजण रूमकडे परतत असताना रणजित हॉटेलजवळ दोन अनोळखी इसम दुचाकीवर आले. त्यांनी दुचाकी आडवी लावून खिशातील मोबाईल व पैसे बाहेर काढा असा दम दिला. फिर्यादी व त्याच्या मित्रांनी नकार दिल्यावर हे दोघे इसम काही अंतरावर जाऊन पुन्हा परत आले. त्यातील मागे बसलेल्या इसमाने चाकू दाखवत फिर्यादीवर झडप घातली व मारहाण करून जबरदस्तीने त्याच्या खिशातील दोन हजार रूपये व मोबाईल असा एकूण १२ हजार रूपयांचा ऐवज हिसकावून पळून गेले. घटनेनंतर फिर्यादीचे मित्र घाबरून गेले व तत्काळ दुसऱ्या मित्राला संपर्क साधून घटनास्थळी बोलावून घेतले. या घटनेबाबत फिर्यादी हसनेन शेख याने कोतवाली पोलीस ठाण्यात दिलेल्या फिर्यादीवरून दोन अनोळखी इसमांविरोधात गुन्हा दाखल करण्यात आला आहे.