पूल कोसळण्याचे श्रेय काँग्रेसने घ्यावे : पायल ताजणे

तत्कालीन मुख्यमंत्री एकनाथ शिंदे, तत्कालीन उपमुख्यमंत्री देवेंद्र फडणवीस  आणि तत्कालीन उपमुख्यमंत्री अजित पवार  यांच्या नेतृत्वाखाली पालकमंत्री राधाकृष्ण विखे पाटील  यांनी पाठपुरावा करून म्हाळुंगी  पुलासाठी निधी उपलब्ध करून दिला.पालकमंत्री विखे पाटील यांच्या नेतृत्वाखाली  आमदार अमोल खताळ  आणि भाजपा महायुतीच्या कार्यकर्त्यांनी वेळोवेळी लक्ष ठेवून काम वेळेवर पूर्ण कसे होईल यासाठी नगर परिषद प्रशासनाकडे आणि ठेकेदारांकडे पाठपुरावा केला त्यामुळे हा पूल पूर्णत्वास गेल्याचे पायल ताजणे यांनी सांगितले. जलसंपदा मंत्री विखे पाटील यांच्या माध्यमातून संगमनेरच्या वैभवात भर घालणाऱ्या व लोकांची गैरसोय दूर करणाऱ्या म्हाळुंगी पुलाचे आ.अमोल खताळ यांच्या हस्ते लोकार्पण करून संगमनेर भाजप महायुतीच्या व संगमनेरकरांच्या वतीने विखे पाटील यांच्या वाढदिवसाचे औचित्य साधून लोकार्पण करण्यात आले, याप्रसंगी भाजप महायुतीचे पदाधिकारी व कार्यकर्ते उपस्थित होते.