जवानांच्या कुटुंबियांचा सन्मान सामूहिक जबाबदारी : आ. खताळ

कारगिल दिनानिमित्त संगमनेर तालुक्यातील तळेगाव दिघे येथील हुतात्मा स्मारकास आ. अमोल खताळ यांनी पुष्पचक्र अर्पण  करून अभिवादन केले तसेच माजी सैनिक  व महायुतीच्या पदाधिकाऱ्यांच्या उपस्थितीत ध्वजारोहण करून वृक्षारोपण करण्यात आले. यावेळी मेजर राजेंद्र गुंजाळ,  मेजर रामनाथ दिघे, सुनील दिघे, भाऊसाहेब दिघे,आबासाहेब भागवत,  महेश दिघे, मच्छिंद्र दिघे, गणेश दिघे, सोपान कांदळकर, तात्यासाहेब राहणे, संदीप क्षीरसागर, तळेगावचे प्रभारी सरपंच मयूर दिघे, भाजप नेते अमोल दिघे, दत्तात्रय दिघे, पंढरीनाथ इल्हे,  रवींद्र दिघे, रामदास दिघे, संजय कवडे, निलेश दिघे, डॉ. संतोष डांगे, उत्तम दिघे, दत्ता दिघे, ज्ञानेश्वर जानेकर, राजेश दिघे, अतुल कदम, गोरख इल्हे, राहुल उकिर्डे, अशोक दिघे, विलास दिघे,  विनायक कांदळकर यांच्यासह महायुतीचे पदाधिकारी व कार्यकर्ते मोठ्या संख्येने उपस्थित होते.

आमदार खताळ म्हणाले, आपण सुरक्षितपणे आपले जीवन जगत आहोत, त्यामागे या जवानांचे अमूल्य योगदान आहे.मात्र काही गावात दुर्दैवाने जवानांच्या कुटुंबीयांना समाजाकडून त्रास दिला जातो, ही अत्यंत खेदजनक बाब आहे.त्यामुळे प्रत्येकाने भारतीय जवानांचा व त्यांच्या कुटुंबाचा आदर राखणे हे आपले कर्तव्य असल्याचे त्यांनी सांगितले.