निझर्णेश्वर देवस्थानचे वैभव वाढवण्यासाठी सहकार्य करणार : ना.विखे पाटील 

श्रावण महीन्याच्या निमिताने मंत्री राधाकृष्ण विखे पाटील आणि शालिनी विखे पाटील यांनी श्री क्षेत्र निझर्णेश्वर येथे येवून अभिषेक केला आणि दर्शन घेतले.मंगलमय पर्वाच्या त्यांनी सर्वाना शुभेच्छा दिल्या. मंदीराच्या विश्वस्त समितीच्या वतीने मच्छिंद्र थेटे यांनी त्यांचे स्वागत केले.

निझर्णेश्वरचे तिर्थस्थान जागृत देवस्थान म्हणून ओळखले जाते.जिल्ह्यातून भाविक येथे केवळ  श्रावण महीन्यातच नाही तर आता निसर्ग पर्यटन वाढीस लागल्याने भाविकांबरोबर पर्यटक वर्षभर  येत आहेत.या परिसराच्या विकासासाठी कधीही निधीची कमतरता भासू दिली नाही.भविष्यात या परीसराला पाणी उपलब्ध करून देण्यासाठी वन तळयाचा प्रस्ताव तयार करण्याच्या सूचना त्यांनी वनविभागाच्या अधिकाऱ्यांना दिल्या.

पाणी उपलब्ध झाल्यास इथली वनराई अधिक वाढेल, निसर्ग पर्यटनाला त्याची मदत होईल.दूधेश्वर डोंगरावरही वनविभागाने निसर्ग पर्यटन निर्माण करण्याच्या दृष्टीने आराखडा तयारा करावा, त्यालाही निधी उपलब्ध करून देण्याची ग्वाही मंत्री विखे पाटील यांनी दिली.

श्रावण महीन्याच्या निमिताने होणारी गर्दी लक्षात घेवून या परीसरात संरक्षण व्यवस्था चोखपणे बजावण्याच्या सूचना त्यांनी पोलीस प्रशसानाला दिल्या.