धर्मकार्याला कधीच आखडता हात घेणार नाही : आ.खताळ

तालुक्यातील वडगाव पान येथील गडगे मळा (साईनगरमध्ये ) येथे श्री संत शिरोमणी सावता महाराज पुण्यतिथी निमित्त आयोजित  अखंड हरिनाम सप्ताहाची  रामायणाचार्य रामराव महाराज ढोक यांच्या काल्याच्या कीर्तनाने व दहीहंडी फोडून सांगता करण्यात आली. या सांगता सोहळ्यात आ. खताळ बोलत होते.यावेळी वडगावपानचे सरपंच श्रीनाथ थोरात, मदन महाराज पारख, वसंत  महाराज गुंजाळ, केदार  भंडारी, अण्णासाहेब सदाफळ, ग्रामपंचायत सदस्य सुमित काशिद, गणेश काशिद, समीर मोरे यांच्यासह वडगावपान परिसरातील भाविक  मोठ्या संख्येने उपस्थित होते.संगमनेर तालुक्याच्या वतीने आ.अमोल खताळ यांच्या हस्ते रामायणाचार्य रामराव महाराज ढोक यांचा सत्कार करण्यात आला तर ढोक महाराज यांच्या हस्ते आ. अमोल खताळ यांनाही सन्मानित करण्यात आले.

यावेळी बोलतांना आमदार खताळ पुढे म्हणाले की, वडगाव पान येथील साईनगर येथे गेल्या ४२ वर्षापासून सातत्याने रामायणाचार्य रामराव महाराज ढोक  या सप्ताहासाठी येत असतात, त्याचा मी साक्षीदार आहे. माझी आई नित्यनेमाने पंढरपूर, आळंदी, त्र्यंबकेश्वरची प्रत्येक वर्षी वारी करत आहे. त्यामुळे  आपणही या वारकरी संप्रदायाशी जोडलो गेलो आहे. रामराव महाराज ढोक यांच्या प्रबोधनात्मक किर्तनातून खऱ्या अर्थाने समाजाला दिशा मिळते.मी अनेक वेळा त्यांच्या कीर्तन व प्रवचनांचा लाभ घेतला आहे.अशा अखंड हरिनाम सप्ताहातील प्रवचन आणि कीर्तनातून समाजात सकारात्मक ऊर्जा निर्माण होते आणि यातून तरुण वर्गाला एक वेगळी दिशा मिळत असल्याचे आ.खताळ यांनी सांगितले.

हा सप्ताह यशस्वीतेसाठी  सुधाकर गडगे, अभिजित गडगे, पंकज गडगे, भाऊसाहेब गडगे,राहुल गडगे, हर्षद गडगे,शिवम गडगे,प्रदीप गडगे, नारायण गडगे, राजेंद्र गडगे, किरण गडगे, अनिल गडगे, संकेत गडगे, दिगंबर गडगे, शंकर गडगे,अजय गडगे, विनोद गडगे, अशोक गडगे, सुरज कुळधरण यांच्यासह गडगे मळा परिसरातील तरुणांनी विशेष परिश्रम घेतले.