संगमनेर युवक काँग्रेसच्या शहराध्यक्षपदी पापडेजा
संगमनेर युवक काँग्रेसच्या शहराध्यक्षपदी पापडेजा
नायक वृत्तसेवा, संगमनेर
अहमदनगर एनएसएसयूआयचे जिल्हाध्यक्ष तथा काँग्रेसचे निष्ठावंत कार्यकर्ते निखील पापडेजा यांची संगमनेर शहर युवक काँग्रेसच्या अध्यक्षपदी नुकतीच निवड करण्यात आली आहे.
अमृता लॉन्स येथे युवक काँग्रेस व एनएसएसयूआय यांच्यावतीने आयोजित स्नेहमेळावा व नवीन पदाधिकारी निवडी प्रसंगी निखील पापडेजा यांची नियुक्ती करण्यात आली. ते मागील पंधरा वर्षांपासून विद्यार्थी चळवळीमध्ये युवक काँग्रेसचे प्रदेशाध्यक्ष सत्यजीत तांबे यांच्या नेतृत्वाखाली काम करत आहे. शिवाय या माध्यमातून विद्यार्थ्यांचे अनेक प्रश्न मार्गी लावताना त्यांनी तालुका व जिल्ह्यामध्ये समर्थपणे काम केले. मागील तीन वर्षे जिल्हाध्यक्षपद सांभाळताना युवकांना त्यांनी कायम मानसन्मान मिळवून दिला आहे. कोणतीही राजकीय पार्श्वभूमी नसताना जिल्हाध्यक्षपद भूषवणारे निखील पापडेजा यांनी आपल्या सततच्या कामातून व जनसामान्यात प्रती असलेल्या तळमळीतून कायम तरुणांच्या हिताचा विचार केला आहे. सदर निवडीबद्दल काँग्रेसचे प्रदेशाध्यक्ष व महसूल मंत्री बाळासाहेब थोरात, आमदार डॉ.सुधीर तांबे, युवक काँग्रेसचे प्रदेशाध्यक्ष सत्यजीत तांबे, इंद्रजीत थोरात, नगराध्यक्षा दुर्गा तांबे, बाजीराव खेमनर, बाबासाहेब ओहोळ, विश्वास मुर्तडक, रणजीतसिंह देशमुख, सोमेश्वर दिवटे, गौरव डोंगरे आदिंनी अभिनंदन केले आहे.
