उत्तर नगर जिल्ह्याची भाजपची जम्बो कार्यकारिणी जाहीर

उत्तर नगर जिल्ह्याची भाजपची जम्बो कार्यकारिणी जाहीर
नूतन कार्यकारिणीमध्ये नव्या-जुन्यांचा मेळ साधला : गोंदकर
नायक वृत्तसेवा, शिर्डी
भारतीय जनता पक्षाच्या उत्तर अहमदनगर जिल्ह्याची जम्बो कार्यकारिणी मंगळवारी (ता.29) जिल्हाध्यक्ष राजेंद्र गोंदकर यांनी जाहीर केली आहे.

भारतीय जनता पक्षाच्या जिल्हा कार्यकारिणीत कायम निमंत्रित सदस्यपदी श्याम जाजू, माजी मंत्री मधुकर पिचड, माजी मंत्री तथा आमदार राधाकृष्ण विखे, माजी मंत्री अण्णासाहेब म्हस्के, माजी आमदार स्नेहलता कोल्हे, अ‍ॅड. रवीकाका बोरावके, माजी आमदार बाळासाहेब मुरकुटे, वैभव पिचड, सीताराम गायकर, हेरंब औटी, उदयसिंह चंदेल, विठ्ठल लंघे, राजेश चौधरी व राहात्याच्या नगराध्यक्षा ममता पिपाडा यांची नियुक्ती करण्यात आली आहे.

तसेच नूतन कार्यकारिणीमध्ये शरद थोरात (कोपरगाव), अ‍ॅड. रघुनाथ बोठे (राहाता), अशोक पवार (शिर्डी), नितीन कापसे (राहाता), सुधाकर गुंजाळ (संगमनेर), गणेश राठी (संगमनेर), सतीश सौदागर (श्रीरामपूर), सचिन देसरडा (नेवासा), सुदाम सानप (संगमनेर) या सर्वांची उपाध्यक्षपदी, तर नितीन दिनकर (नेवासा), जालिंदर वाकचौरे (अकोले), सुनील वाणी (श्रीरामपूर) यांची सरचिटणीसपदी नियुक्ती करण्यात आली आहे. महिला, युवा, अनुसूचित जाती, आदिवासी, अल्पसंख्याक, किसान व इतर मागासवर्गीय मोर्चाच्या अध्यक्षपदी अनुक्रमे सोनाली नाईकवाडे (संगमनेर), श्रीराज डेरे (संगमनेर), विनोद राक्षे (कोपरगाव), विजय भांगरे (अकोले), असीफखान पठाण (संगमनेर), सतीश कानवडे (संगमनेर), बाळासाहेब गाडेकर (राहाता) यांची नियुक्ती करण्यात आली आहे. तर शहराध्यक्षपदी दत्तात्रय काले (कोपरगाव), अ‍ॅड. श्रीराम गणपुले (संगमनेर), ज्ञानेश्वर गोंदकर (राहाता), सचिन शिंदे (शिर्डी), मारुती बिंगले (श्रीरामपूर), बबन मुठे (श्रीरामपूर) यांची नियुक्ती करण्यात आली आहे.

नव्या-जुन्यांचा मेळ साधला : गोंदकर
जिल्हा कार्यकारिणी सदस्य व नव्या पदाधिकार्‍यांची निवड करताना समतोल साधण्यात आला. पक्षाचे काम करण्यासाठी वेळ देऊ शकणार्‍या कार्यकर्त्यांना संधी मिळाली. नव्या-जुन्यांचा मेळ साधल्याने पक्षाचा संघटनात्मक विस्तार करण्यासाठी त्याचा उपयोग होईल.
– राजेंद्र गोंदकर (जिल्हाध्यक्ष)